Robert Burns
O whistle and I'll come to ye, my lad

Love Poems:  First lines | Authors | Quotes | Categories
Shall I compare thee to a summer's day? | Come live with me and be my Love | O my Luve's like a red, red rose
She walks in beauty, like the night | Gather ye rosebuds while ye may | How do I love thee ? Let me count the ways

O whistle and I'll come to ye, my lad,
O whistle and I'll come to ye, my lad,
Tho' father, and mother, and a' should gae mad,
   Thy Jeanie will venture wi' ye, my lad.

But warily tent, when ye come to court me,
And come nae unless the back-yett be a-jee,
Syne up the back-style and let naebody see, 
     And come as ye were na comin to me -
     And come as ye were na comin to me -
          O whistle &c.

At kirk, or at market whene're ye meet me,
Gang by me as tho' that ye car'd nae a flie,
But steal me blink 'o your bonie black e'e,

     Yet look as ye were na lookin at me -
     Yet look as ye were na lookin at me -
          O whistle &c.

Ay vow and protest that ye care na for me,
And whyles ye may lightly my beauty a wee,
But court nae anither, tho' jokin ye be,
     For fear that she wyle your fancy frae me -
     For fear that she wyle your fancy frae me -

Tent - take care               Syne - then
back yett - back gate       back-style - style
wyle - charm